A Coruña, 1992. Dores Seoane é unha moza de 17 anos cun prometedor futuro por diante, pero todo o seu mundo esvaece a noite de San Xohán. Unha visita improvisada á igrexade San Nicolás e á Virxe dos Dores leva á rapaza ao achado duns libros moi antigos, custodiados no templo. Qué agochan eses libros e quén os deixou alí? A curiosidade de Dores vaina levar a emprender unha insólita viaxe no tempo, que a traslada ata o ano 1854.
A novela narra un misterio entre dúas épocas, dúas historias de amor e a crónica dunha epidemia mortal que o ameaza todo: o cólera, que en 1854 chega á cidade para se converter nun dos maiores dramas da súa historia.
Existirá un camiño de volta para Dores ou procurará un futuro para ela no pasado? Traerá a ardentía o milagre que precisa a cidade?